كورسات صيدلة
أونلاين
معاك في كل وقت وفي كل مكان
وحتى ليلة الامتحان
مشترك جديد؟ سجل هنا
مُشترك سابق؟
سجل الدخول هنا
ليش لازم نشترك ونقرأ أونلاين؟
التخصص
أول منصة عربية متخصصة في إعطاء الكورسات في تخصص الصيدلة فقط. يعني ركزنا كافة مجهوداتنا لتوفير أفضل تجربة والتعلم يقعد صح.
المكان
في المكان اللي يناسبك في الحوش ولا حتى مسافر، مش لازم تتقيد بمكان وتمشي وتجي، يعني حتفهم في مكان اتريح فيه وتختاره. نحن معاك في كل مكان
الوقت
إذا كنت من الناس اللي عندهم إلتزامات أو من محبي الدراسة في آخر الليل أو الصبح بدري أو أي وقت تقدر تركز فيه، الإشتراك حيكون أفضل حل، نحن معاك في كل وقت.
المواصلات
مدورش حد يجيبك أو حد يروح بيك، ولا اشتراكات ولا سيارات خاصة.
يعني معش فيه أزمة ومشاكل المواصلات وقرايتكم بين يديكم.
الزحمة
زحمة القاعات الدراسية وحجمها والتشتت اللي فيها، يخليك لا تشوف ولا تسمع ونص الشرح يفوتك. لما يقعد الشرح بين يديك على المووبايل أو الابتوب حتشوف الفرق.
الإعادة
عاود حضور الكورس والفيديوات لعند ما تفهم، وأمتى ما تنسى حاجة تقدر ترد تعاودة وتراجع بيه. يعني حتضمن أنك تفهم ويرسخ الكلام في عقلك.
التمارين
لان عندنا وقت كافي على المنصة، حيكون فيه تمارين أكثر على الأفكار وأنواع الأسئلة اللي ممكن اتجيك. تنوع الأفكار والأسئلة حيخليكم قادرين على التميز والتفوق بكل يسر.
اللي تحتاجه
ليش تسجل في مادة كاملة ومش هتحتاج كل الكورسات، وتجبر نفسك على حضور الباقي. هنا اختار الكورس اللي تحتاجه وحافظ على وقتك وفلوسك.
امتحانات
حيكون فيه إمتحان بعد كل محاضرة عشان تقيم استيعابك وفهمك للموضوع. وطبعاً هنشرحوا الإجابة النموذجية للأسئلة عشان تستفيد.
ليلة الإمتحان
أيام الإمتحان وخصوصاً في الليل تحس إنك ناسي عرم حاجات. ما تخافش حتقدر تراجعهن دغري عشان مشترك في الكورس. نحن معاك حتى في ليلة الإمتحان.
